鮪世市場 (已結業)

今日去左將軍澳行街，呢一區較新，有唔少覓食好去處，最後我地揀左一間刺身專門店，叫鮪世市場。點餐用紙點，款式好多，而且價錢都唔貴，可以試多幾樣。（先黎個重頭戲，中本鮪魚腩丼，材料豐富，除左大片大片鮪魚腩，仲有三文魚子、玉子、蔬菜，營養均衡，口感亦唔會咁單調。火炙左口魚裙邊壽司、火炙帆立貝壽司。左口魚略帶熱氣，非常彈牙，配有青瓜令口感唔會太膩，帆立貝微微卷起，仍保有海鮮汁同水份，好鮮味。特大赤海蝦壽司、馬糞海膽壽司。呢兩樣都驚喜十足！上菜時已經眼前一亮，赤海蝦大到覆蓋飯面，晶瑩剔透，入口果然冇令人失望。至於海膽壽司，淨係睇樣已經食欲十足，入口即融，好滿意！雖然店鋪唔大，但食物同座位都唔錯，推介比大家！