山旮旯 (已結業)

今日睇完跑馬，突然之間有D肚餓，想去搵野食，過左對面馬路個間醫肚先！呢間餐廳個名好特別，唔識讀，叫“山旮旯“,雖然唔知咩解釋，但幾特別！再加上裝修似歐洲式建築小木屋感覺！好RELAX！講番食物先，今次叫左個莎莎蕃茄醬墨西哥烤脆片，配上液體芝士，更加香濃！咬落啖啖都有芝士！再加洋蔥炒後質感口感好正、份量亦都可以半飽！之後再叫左個香蔥蒜燒春雞，賣相好美觀再加上好大隻！食完真係可以飽肚、燒春雞肉好滑，片小小帶脆口，內裡肉好嫩！再叫左叫一杯COCTAIL，名字叫“流星花園”,好有檸檬帶黎既清新既感覺，仲有佢既雞尾酒名都係好特別，包括好特別的叫，豬奶、掰金夫人、金蘋梅、毛字通，最後仲有大家都想成為既柚錢人啦！