鮪世市場 (已結業)

今日一個人去左將軍澳行街，比我發現左一間日本壽司店，環境好有日式市場風味，好似去左築地咁樣呀！師傅好專業，外貌好正宗，我叫左幾款壽司，下午茶時間剛剛好呀！火焰左口魚裙邊壽司，超愛燒香左既左口魚，入口魚油超級重，入口即溶，魚味又濃，合我胃口！火焰鰻魚壽司，鰻魚同樣爽嫩魚香重，加上蒲燒汁，又係一款迷人既壽司！油甘魚腩壽司，好鐘意魚油重既魚，油甘魚腩魚味濃郁，入口肥美！蟹膏軍艦，入口蟹膏咸香鮮甜，同樣是濃味壽司既選擇！海鹽輕燒中吞拿魚腩壽司，中拖羅油脂已經好豐富，加上海鹽帶點咸香，味道好正呀！大拖羅和牡丹蝦是我壓軸出場既壽司，我既最愛，味道超對我胃口，同是鮮甜爽嫩，好新鮮！