Whatever Bar & Restaurant (已結業)

同朋友去尖沙咀樓上酒吧餐廳，有意外驚喜，環境食物服務都超讚。呢餐的主角：Tamama (Cocktail)個名好可愛，有草莓的甜味，又散發住酒香，好易入口。Spring（Mocktail)我就點Mocktail來過過癮，漸變色的橙予人清涼的感覺，以橙味為主調，味道清新！下酒菜：烤春雞配炸薯條大塊大塊肉吃，爽呀！店員好細心咁把雞一開二，兩個女生分來食剛好，雞肉嫩滑，唔算多汁，但一啲都唔鞋，而且沙律菜有我最喜歡的火箭菜，加晒分！意式西西里汁燴八爪魚八爪魚挺彈牙，西西里汁的蕃茄味香濃，蘸麵包食，幾開胃。帕爾馬火腿薄餅Parma ham的鹹香，黑醋汁的酸微微，加埋薄餅的脆卜卜，呢個組合好精彩。最後係重要的甜點時間水信玄餅配雜莓醬好睇好食又好玩，看住清酒和雜莓醬倒落晶瑩剔透嘅水信玄餅上面，心情頓變得開朗。而水信玄餅入面的草莓粒和清酒好有火花，味道超驚喜！