晉家門炭燒工房

營業中

休息中

今日同屋企人行咗成日, 最後嚟到喱間居廬晉家門炭燒工房。 我哋一行八人, 分兩張枱坐, 店員指定動作後, 我哋就開始點菜。 人多, 點咗好多款菜同啤酒, 試到好多不同菜式。 啤酒店家係直接由酒商進貨, 所以全部都係外國啤酒, 當然有好多不同味道啦, 可以配合店家啲炸物或者炭燒嘢食一齊食, 更有風味。     店家嘅食物質素都好高, 好多食物都好欣賞, 好美味, 但當中一定要提嘅係香草燒春雞、鹽燒牛舌同埋香辣魷魚鬚。 香草燒春雞外皮有少少脆, 雞肉嫩滑多汁, 而且有陣陣香草香味, 趁熱食再加埋啤酒真係一流。 第二樣係鹽燒牛舌, 牛舌好爽口, 而且又有牛味, 炭燒得好香, 面頭鹹鹹地, 送酒真係爽。 最後係個香辣魷魚鬚, 魷魚新鮮爽脆, 燒得岩岩好, 再配埋椒鹽同少少炭燒味, 真係又香又惹味。店家店舖細細, 有好 warm 嘅感覺, 店員亦好熱情招待, 唔單止啤酒同食物味美, 仲有賓至如歸嘅感覺。