影片
更多
2024-11-18
712 瀏覽
餐廳：LAB EAT Restaurant & Bar (尖沙咀)地址：尖沙咀金巴利道87-89號僑豐大廈地下1-2號舖今次去咗呢間好適合慶祝節日同生日嘅人氣西餐廳LAB EAT Restaurant & Bar，佢哋有兩間分店，一間喺旺角，而另一間喺我今次去嘅尖沙咀店🍽️尖沙咀店已經開咗十年，近兩年裝修過後更加吸引到一班鍾意新鮮感嘅食客✨，昏暗浪漫而優雅嘅環境最適合情侶過嚟撐枱腳👩❤️👨，加上提早預訂可以免費安排裝飾餐枱同甜品畫碟寫紙嘅服務🎨，的確喺個約會好地方餐廳有2人或者4人嘅Set Dinner，亦有生蠔配白酒Set可以揀🦪，不過我就鍾意喺A La Carte Menu揀自己鍾意食嘅嘢✝️托斯卡尼鮮魚蕃茄濃湯 $78Toscana喺意大利一個出名食海鮮嘅地方，當地嘅漁獲豐富而新鮮，用咗當地嘅香煎三文魚煮成蕃茄濃湯🍲，雖然湯嘅味道比較似喺龍蝦香，但佢鮮香味濃嘅滋味確實令人飲唔停口✝️油封法國鵪鶉脾及蒜頭 $188食得又睇得嘅鵪鶉脾，用油封處理手法提升咗鵪鶉脾嘅香味，同時令肉質更軟嫩多汁💦，加上用香草燻製🌿，除咗打開木盒聞到陣陣煙燻香之外，食落仲增添多咗重香味，味道層次相當豐富😋✝️西班
地址：尖沙咀金巴利道87-89號僑豐大廈地下1-2號舖
今次去咗呢間好適合慶祝節日同生日嘅人氣西餐廳LAB EAT Restaurant & Bar，佢哋有兩間分店，一間喺旺角，而另一間喺我今次去嘅尖沙咀店🍽️
尖沙咀店已經開咗十年，近兩年裝修過後更加吸引到一班鍾意新鮮感嘅食客✨，昏暗浪漫而優雅嘅環境最適合情侶過嚟撐枱腳👩❤️👨，
加上提早預訂可以免費安排裝飾餐枱同甜品畫碟寫紙嘅服務🎨，的確喺個約會好地方
餐廳有2人或者4人嘅Set Dinner，亦有生蠔配白酒Set可以揀🦪，不過我就鍾意喺A La Carte Menu揀自己鍾意食嘅嘢
✝️托斯卡尼鮮魚蕃茄濃湯 $78
Toscana喺意大利一個出名食海鮮嘅地方，當地嘅漁獲豐富而新鮮，用咗當地嘅香煎三文魚煮成蕃茄濃湯🍲，雖然湯嘅味道比較似喺龍蝦香，但佢鮮香味濃嘅滋味確實令人飲唔停口
✝️油封法國鵪鶉脾及蒜頭 $188
食得又睇得嘅鵪鶉脾，用油封處理手法提升咗鵪鶉脾嘅香味，同時令肉質更軟嫩多汁💦，加上用香草燻製🌿，
除咗打開木盒聞到陣陣煙燻香之外，食落仲增添多咗重香味，味道層次相當豐富😋
✝️西班牙黑毛豬鞍及豬面油炸薯仔 $388
一份有兩件，大份又夠厚肉，豬鞍油脂分布尚算均勻，外圍比中間更為軟嫩，做到燒烤網紋表面焦脆而切開鮮嫩🔥，
既唔韌亦唔會好嚡，每啖食落有濃郁肉香🐷；另外仲有蔬菜同用咗豬面油炸嘅薯仔🥔，食完都幾飽肚🤓
✝️卡邦尼扁意粉 $188
以蛋黃做主打加上少少忌廉，配上巴馬臣芝士🧀、風乾火腿同煎香嘅豬臉頰肉整成卡邦尼扁意粉，食完一啲都唔覺得滯👍，creamy口感加上蛋黃同肉粒嘅鹹香，簡單而好食🤪
✝️伯爵茶熱帶果朱古力榛子脆 $138
將伯爵茶加入牛奶朱古力Mousse，中間用咗芒果🥭、熱情果同香蕉🍌，整成獨特嘅熱帶果啫喱（雖然個人覺得味道唔夠清新酸甜🙈），底層就有榛子朱古力脆同榛子蛋白蛋糕🍰，賣相唔差仲幾有特色，
配埋杯Latte($48)/Cappuccino($48)就一流
張貼
