影片
更多
2019-03-08
2091 瀏覽
好朋友最近升了職，說要請我吃頓晚飯，分享她的喜悅，我當然卻之不恭。能在工作範疇上獲得上司的認同和賞識，絕對是一件開心嘅事，當然要慶祝一番，而今次友人就揀左銅鑼灣這間以京滬菜為主打的「京.花朝」。餐廳位於耀華街 3 號百樂中心 9 樓，店內地方不大，但裝潢簡約而具格調，設計帶點古色古香；用餐區以木製檯櫈為主，襯上輕快的音樂和室內的古董擺設，環境清優雅緻，予人舒服的感覺。安坐後先翻開店員送上的餐牌細看，食物分門別類，有冷盤、魚翅、湯羹、海鮮、肉類、蔬菜、飯麵和甜品，另外亦有三款適合兩位、四位及六位享用的「佳餚宴」、「良朋宴」、「歡溢宴」。至於茶芥方面就每位 $10，小食每份 $20。本來友人打算點隻北京烤鴨，不過兩個人吃得不多，提議不如清清地，點個「佳餚宴」($488)。先每人來一客原盅燉靚湯，是晚靚湯為圓肉杞子赤肉燉雞腳，湯品上桌時仍熱辣辣，散發著陣陣香氣。馬上趁熱呷一口，湯身甘香鮮美，清甜潤喉，加上用料十足，啖啖滋味。接著是京式兩小碟，分別有雞絲粉皮和香酒醉雞。滑溜的雞絲粉皮，配上金黃色的麻醬，賣相極佳！粉皮晶瑩剔透，入口彈牙，而且非常爽滑。金黃醬汁由麻醬、花生醬製成，配上粉皮吃，麻香
好朋友最近升了職，說要請我吃頓晚飯，分享她的喜悅，我當然卻之不恭。能在工作範疇上獲得上司的認同和賞識，絕對是一件開心嘅事，當然要慶祝一番，而今次友人就揀左銅鑼灣這間以京滬菜為主打的「京.花朝」。
餐廳位於耀華街 3 號百樂中心 9 樓，店內地方不大，但裝潢簡約而具格調，設計帶點古色古香；用餐區以木製檯櫈為主，襯上輕快的音樂和室內的古董擺設，環境清優雅緻，予人舒服的感覺。
安坐後先翻開店員送上的餐牌細看，食物分門別類，有冷盤、魚翅、湯羹、海鮮、肉類、蔬菜、飯麵和甜品，另外亦有三款適合兩位、四位及六位享用的「佳餚宴」、「良朋宴」、「歡溢宴」。至於茶芥方面就每位 $10，小食每份 $20。
本來友人打算點隻北京烤鴨，不過兩個人吃得不多，提議不如清清地，點個「佳餚宴」($488)。先每人來一客原盅燉靚湯，是晚靚湯為圓肉杞子赤肉燉雞腳，湯品上桌時仍熱辣辣，散發著陣陣香氣。馬上趁熱呷一口，湯身甘香鮮美，清甜潤喉，加上用料十足，啖啖滋味。
接著是京式兩小碟，分別有雞絲粉皮和香酒醉雞。滑溜的雞絲粉皮，配上金黃色的麻醬，賣相極佳！粉皮晶瑩剔透，入口彈牙，而且非常爽滑。金黃醬汁由麻醬、花生醬製成，配上粉皮吃，麻香四溢！醉雞以花雕酒烹調，雞件浸熟後肉質更見軟嫩滑溜，入口芳香撲鼻，酒香滿溢，惹味不已，令人食指大動！
主菜可於瑤柱賽螃蟹或宮保蝦球當中，二擇其一，選了後者。蝦球份量雖然不多，但就非常之有睇頭，大大隻，以鮮蝦炮製，上桌時伴以青紅椒及腰果粒。挾起蝦隻，汁醬剛好掛於彈牙的蝦球上面，食落爽脆鮮甜，酸酸辣辣，配埋脆卜卜的腰果，夠曬香口惹味。
至於紅燒獅子頭亦做得很有水準，獅子頭比想像中大，外形圓潤飽滿，質地非常軟綿，外層盡是濃稠的醬油，入口外軟內鬆，肉汁淋漓。而友人就讚這粒大丸子剁得夠細緻，肉質鬆軟滑嫩，入口即化，而且食落一點也不膩滯，用來佐飯一流。
緊接的蟲草花翡翠苗，賣相亦甚討好，翡翠苗色澤翠綠，入口清爽怡人，加上蟲草花，具補肺和護肝功效，好味又健康。
壓尾的上湯水餃，每客兩隻，份量剛好。輕輕咬開，外皮厚薄適中，柔韌均勻，而且包得夠實淨，加上餡料十足，味鮮而不死實，正。
是日精美甜品係雜果杏仁豆腐，豆腐很滑溜，帶杏仁香氣，配上甜美的雜果粒，滋味滿分。飲飽食醉，埋單計數，每人都不用 $300，十分抵食。多謝友人請客，在此再次祝你前程似錦、步步高陞。
張貼
