影片
更多
2014-06-27
2008 瀏覽
食友是個好動之人，每逢週末，總會透過臉書看見她四處趴走，由大街以至小巷，真可謂足跡遍港九。筆者就剛好相反，每逢假日都愛窩在家裡睡午覺，懶得簡直無藥可救。近日從食評發現食友到訪了一間以法式可麗餅為主打的店子「Leisure Time Crêpes」，見店裡供應的 crêpes 鹹甜兼備，而且即叫即製，引得我這個既懶惰但又饞嘴的傢伙，也決心一訪。趁週末出席完「一翅都唔食」活動，一於約埋幾位食友齊齊去西環 hea 番個下午，順道一試這間「優閑」的法式薄餅。講真，這店鋪的位置頗刁鑽，門口一點也不顯眼，若非有早到食友在門外招手，縱使樓梯級上擺放了這個易拉架，都會過門而不入。向來愛光顧一些有特色的小店，由其是這些草根得來又充滿著家庭感覺的店子。單看牆身上的可愛貓頭鷹家族卡通貼紙，就已經估到店主一定是個既有理想又充滿著童真的女孩。如果是單拖來的話，坐在這張小餐桌，點個鹹薄餅做主菜，再柯打一客甜的當甜品，一鹹一甜，盡情享受一個人的浪漫，也很不錯啊！連用來盛載檸檬水的杯子，都咁小巧精緻，十分討人喜愛。看得出店主無論在裝潢、擺設以至餐具上都下過一點功夫。雖然大家都剛吃過午餐，唔算太肚餓，不過也決定先來兩客
食友是個好動之人，每逢週末，總會透過臉書看見她四處趴走，由大街以至小巷，真可謂足跡遍港九。筆者就剛好相反，每逢假日都愛窩在家裡睡午覺，懶得簡直無藥可救。近日從食評發現食友到訪了一間以法式可麗餅為主打的店子「Leisure Time Crêpes」，見店裡供應的 crêpes 鹹甜兼備，而且即叫即製，引得我這個既懶惰但又饞嘴的傢伙，也決心一訪。
趁週末出席完「一翅都唔食」活動，一於約埋幾位食友齊齊去西環 hea 番個下午，順道一試這間「優閑」的法式薄餅。講真，這店鋪的位置頗刁鑽，門口一點也不顯眼，若非有早到食友在門外招手，縱使樓梯級上擺放了這個易拉架，都會過門而不入。
向來愛光顧一些有特色的小店，由其是這些草根得來又充滿著家庭感覺的店子。
單看牆身上的可愛貓頭鷹家族卡通貼紙，就已經估到店主一定是個既有理想又充滿著童真的女孩。
如果是單拖來的話，坐在這張小餐桌，點個鹹薄餅做主菜，再柯打一客甜的當甜品，一鹹一甜，盡情享受一個人的浪漫，也很不錯啊！
連用來盛載檸檬水的杯子，都咁小巧精緻，十分討人喜愛。看得出店主無論在裝潢、擺設以至餐具上都下過一點功夫。
雖然大家都剛吃過午餐，唔算太肚餓，不過也決定先來兩客鹹食。翻閱餐牌，原來據女店主兼大廚 Ling Ling 講，餡料大部分都是她自創，如鹹食的吞拿魚沙律配芝士、生菜蛋沙律番茄、番茄白菌配芝士，(半份 $25，全份 $38) 及香草雞肉配芝士 (只供應全份 $40) 等，而且仲有兩款沙律醬汁可供選擇。
好，咁就先來一客 half portion 的吞拿魚沙律芝士配法汁及一客 full portion 的香草雞肉芝士配千島汁。女店主先把已調校好的粉漿，放在平底鑊上輕煎，再用心地擺放餡料，每一個步驟都一絲不苟，做得很用心。
把兩客卷成漏斗狀的薄烤餅同時置放在這個透明的腳架上，半份與全份的 size 各異，營造出強烈的對比效果。
先試吞拿魚沙律芝士配法汁 ($25)，咬一口薄餅皮，質感唔算乾爽，幸好班戟皮夠薄，而且食落邊位夠脆口，中心部分質感更帶點煙煙韌韌，加上混入了法汁的吞拿魚沙律，味道清新可口，與生菜拌吃，令人食慾大增。
至於食友點的香草雞肉芝士配千島汁 ($40)，餅皮大得來又夠薄而綿香，不過筆者就略嫌內裡的雞肉唔夠嫩滑，幸好餡料加入咗香草，啖落帶點田園風味，況且咁大分，用來當午飯甚至晚餐吃，夠曬飽肚。
還是轉戰 sweet crêpes，發現甜食比起鹹食的口味更加千變萬化，哈哈，幾時都話甜吃對女生來說，始終有股不可抗拒的魔力喇，剛才還嚷著飽得不能動彈，轉頭看見這個每一客都配上雪糕的甜班戟餐牌，又兩眼發光，口水直流。
這客是食友點的 sweet crêpes，噢，真大意，竟然沒留意他點的是甚麼口味添，不過單看賣相，加上面頭大大粒的榛子碎，已感覺對辦，真的十分期待自己點的 banana crêpe with espresso ice cream 呀！
呢客就是香蕉配焦糖汁伴瑞士特濃咖啡雪糕薄烤餅 ($28)，成品用上香味濃郁的焦糖汁配新鮮香蕉肉，伴以一球質感幼滑、甜度適中的特濃咖啡雪糕，層次本身已經夠曬豐富，再加上面頭榛子的果仁香，吃起來充滿香甜滋味，真是百吃不厭。
飲品方面，點了兩杯 smoothies 及一杯抹茶，呢杯就是以新鮮芒果同菠蘿打製而成的 Yellow Smoothie ($29)，入口帶濃郁菠蘿及芒果香氣，味道都幾清新。
至於呢杯 Purple Smoothie ($29)，相信大家一定已經猜到成品以新鮮藍莓製作，不過除咗藍莓之外，其實食材還有鮮橙同香蕉，難怪喝起來不但果香四溢，味道酸甜得來卻又不失滑溜口感，夠曬冰涼解渴，絕對足以抵擋呢排夏日一個接一個的熱浪 。
壓軸呢杯凍忌廉紅豆牛奶抹茶 ($36)，講真個抹茶忌廉質感都幾幼滑，只是稍嫌茶味飲落唔夠甘香醇厚，幸好當中的奶味相當突出，喝起來口感細滑，加上伴吃的紅豆，大顆得來仲要粒粒都咁香甜又有咬口，值得一試。
連店鋪的卡片都設計得咁 cutie 可愛，足見女店主的內心世界，仍然是個充滿著童真的女兒家呢！如果怕在街上邊行邊吃 crêpes，食得論論盡盡，這裡絕對是個值得考慮的選擇。
張貼
