鼎爺私房菜 (已結業)

家有喜事，當然要搵水準之作助慶一番。這店應該是新店，地方不大，但都坐得舒服，是日全院滿座，還以為市道低迷，疫情嚴峻，少人外出晚膳。人齊後各人自選飲品，可以茗茶也有涼茶啤酒等。飲品送上送就開始上菜，頭盆有大大粒鮑魚，鮑魚煮得好稔，不焦醬汁也好易入口，再來炸蝦，脆卜卜但食不出特別。湯品連湯渣一齊上，湯渣份量不能輕看，難怪碗湯咁濃味。真材實料！主菜有釀菱魚，鵝掌柚皮，咕嚕肉，子薑雞。呢四款餸真係無懈可擊！煎香後的釀菱魚，啖啖肉，有陳皮香味，食得出層次。柚子我很少食，所以覺得特別，入口溶化，完全唔覺食緊果皮，可見功夫之作。咕嚕肉，即煮即食實在無得輸；子姜雞份量大，子姜橋頭才是靈魂。最後的荷葉飯炒得乾身又帶有葉香。總括而言；呢餐飯對得起個價錢。食到中斷，突然想起譚玉英姐姐，每次見到她在節目中讚鼎爺，心中不禁存疑，今日終於明白，心惑羨慕。