影片
更多
2014-08-04
1378 瀏覽
一大清早要去深水埗做義工做完之後就係深水埗亂咁行話就話自己一直係呢區做野但實際係呢區食野既次數真係5隻手指都數得哂...==又因為工作性質既關係所以呢局既街道已經好熟係個腦入面亦都bookmark左唔少食店XD所以襯今日做完野就同朋友黎左呢間新開既越南野到開餐鋪頭真係好細如果再肥d入到去可能真係轉唔到身XD不過唔緊要，野食好味就無問題一入到去就見到open kitchen放左好多越南滴咖啡杯maple雙眼即刻發哂光咁衝埋去問老闆娘係咪有滴咖啡賣點知老闆娘好老實咁答杯係用黎整滴咖啡，不過我地仲未ready賣滴咖啡wor...ORZ好啦，惟有下次咁之後同朋友好快就決定左叫 蟹膏蕃茄湯檬+越式麵包 一齊share見到個分量真係嚇左一跳無諗過咁大碗同咁同料除左蟹肉之外仲有豬紅同扎肉蕃茄湯好清新一d都唔假我朋友唔好蕃茄都差唔多飲哂成碗...@@越式麵包即叫即整所以係碗粉食到咁上下先上枱好足料正常人應該唔可以一口咬哂成個包一啖咬落去d個麵包熱辣辣超級脆d麵包碎跌到成枱都係XD好好食呀個人認為仲好食過係佐敦好出名個間女仔lunch食一個應該夠哂飽其實仲有好多野未試過好似米紙蝦卷，班蘭糕同其他甜品..
做完之後就係深水埗亂咁行
話就話自己一直係呢區做野
但實際係呢區食野既次數真係5隻手指都數得哂...==
又因為工作性質既關係所以呢局既街道已經好熟
係個腦入面亦都bookmark左唔少食店XD
所以襯今日做完野就同朋友黎左呢間新開既越南野到開餐
鋪頭真係好細
如果再肥d入到去可能真係轉唔到身XD
不過唔緊要，野食好味就無問題
一入到去就見到open kitchen放左好多越南滴咖啡杯
maple雙眼即刻發哂光咁衝埋去問老闆娘係咪有滴咖啡賣
點知老闆娘好老實咁答杯係用黎整滴咖啡，不過我地仲未ready賣滴咖啡wor...ORZ
好啦，惟有下次
咁之後同朋友好快就決定左叫 蟹膏蕃茄湯檬+越式麵包 一齊share
見到個分量真係嚇左一跳無諗過咁大碗同咁同料
除左蟹肉之外仲有豬紅同扎肉
蕃茄湯好清新一d都唔假
我朋友唔好蕃茄都差唔多飲哂成碗...@@
越式麵包即叫即整所以係碗粉食到咁上下先上枱
好足料
正常人應該唔可以一口咬哂成個包
一啖咬落去d個麵包熱辣辣超級脆
d麵包碎跌到成枱都係XD
好好食呀
個人認為仲好食過係佐敦好出名個間
女仔lunch食一個應該夠哂飽
其實仲有好多野未試過
好似米紙蝦卷，班蘭糕同其他甜品...
但今餐我同朋友真係飽到上心口
所以都係留番下次先
希望下次黎有滴咖啡啦XD
encore指數: 9/10
題外話/補充資料：
埋單時同老闆娘講左兩句，原來佢係越南人，間鋪頭係佢同佢妹妹開..
而且老闆娘超眼利，一睇就知我係第一次幫襯，之前未見過我，記性超好...
(以上食評乃用戶個人意見 , 並不代表OpenRice之觀點。)
張貼
