港澳義順牛奶公司

營業中

休息中

今日同同事又要出去辦事，我地就順便系附近揾個地方食返個下午茶先，剛好經過港澳義順牛奶公司，就打算入去食，系澳門食過雙皮奶，覺得味道唔錯，香港嘅我暫時未幫襯過，工作日下午茶時間都好多人排隊，輪到我地大概等左20分鐘先有空臺。豬扒包感覺好一般，面包做得唔好，只系覺得硬，無咩香味，豬扒分量大，味道還可以，總體嚟講一般喇。用水牛奶做嘅雙皮奶，表面有奶皮，上邊呢層奶皮感覺特別香醇，可能有人唔鐘意食，但我就好鐘意，雙皮奶好滑，蛋味香牛奶醇，好嫩，一食落口就化，滑溜溜嘅，好好食，甜度剛剛好。姜撞奶，好重姜味，唔鐘意姜嘅朋友慎點啊，但接受姜味就覺得好正，都做得好滑，好好味嘅。