翠亨邨 (已結業)

中午時份又想飲茶又唔想等位, 打電話到翠亨村一問, 原來只招待會, 但姐姐話用 200元入會, 即時回回贈一張200元之coupon,可即時用!好啊! 15分鐘內驅車直達, 星期六中午免等位，環境清幽美, 清靜, 枱與枱間有相當距離！兩人點了一個枝竹火腩豆腐煲(88-),一客椒鹽九肚魚(36-),一客XO醤煎腸粉（32），一客牛肉球(18-),再加一碗合桃露(22-),連一茶(12@)合共242-,抵！食物方面，九肚魚及枝竹豆腐火腩煲有水準，其他不過不失！招呼唔錯, 各姐姐斟荼極有效率, 經理先生知我倆個"茂李"非熟客, 亦熱情招呼!!!仲推介千層馬拉糕, 話係用咸旦黃做, 聽到有些 猶豫, 留待下次吧!!!