翠河餐廳 (已搬遷) 新店位置

中午食乜野可以算係人生X大難題之一，好在工作的地點經常轉換，為午餐帶嚟一D刺激，多一點激情。食過咁多間連鎖茶餐廳，翠華可以話係比較有良心。午餐送餐飲都係43蚊，而且有幾個餐不定時轉換，食落比較有新意，唔會太沉悶。都仲有其他選擇。但唔一一列出啦，一般都係叫43蚊一個餐。D坐位都幾闊落，仲有電視可以睇嘅。咁當日就叫咗窩蛋牛肉飯，味道都幾濃郁，但賣相就麻麻地，茶餐廳都好難有太多要求，撈埋隻蛋，味道濃郁送飯一流。另一位同事叫咗個扒餐，份量十足，有時更加會有兩塊扒，意粉又勁多但呢間翠河仲有一個獨到之處令佢同其他翠河有所分別，就係佢有例湯，而且係送俾你嘅。喝餐有餐飲仲有例湯。而佢個例湯麵真係幾足料。我一般都係檸茶或者奶茶。翠河在眾多連鎖茶記中可以話係業界良心。總括嚟講，在眾多連鎖茶餐廳之中，我對翠河嘅評價嚟講比較高，除咗有較高性貨比，份量也是十足。走的是平實路線，我唔會因為見到其他茶餐廳嘅廣告而會想去另一間嗰度食餐飯，茶餐廳應該以平民、大眾化路線作為戰略，而唔係廣告同明星，與其用資源去賣廣告請代言人不如做好本份。所以我很欣賞翠河。