翠華冰廳 (已結業)

係荃灣大壩街4-30號荃灣廣場3，有間翠華冰廳。冰廳裝修的光鮮，有一個開放式廚房，又有新鮮出爐麵包，確實比一般普通茶餐廳更有時代感。落單時可以用QR code自助落單，而且亦可叫職員幫手落單，非常簡單方便及新穎。午餐想食得輕盈，嚟一個「食light 啲啲。常餐」， 仿鮑魚絲通粉加火腿炒蛋牛油多士，配杯出名熱奶茶。常餐一般食物質素及份量都好正常，味道不過不失，火腿及炒蛋都算ok，對女士嚟講又健康及足夠營養。熱奶茶，夠滑夠香，有香濃茶味，奶味剛好，順喉。另一個邪惡食品就係「厚餐肉啖啖滑蛋治」，一層一層疊起嚟，單睇都覺得，正!味道方面，餐肉都算厚身，煎得香口，滑蛋有雞蛋香都算滑，麵包軟綿綿，很不錯。推介新產品「雪雪濃滑絲襪奶茶凍」，果然比一般奶茶更香滑順喉，而且仲有一層奶凍啫喱係底層，口感好創新。