春陽茶事 (謝斐道) (已結業)

之前透過旅遊app買咗春陽茶事嘅coupon，好鬼抵就試下啦！優惠券係指定兌換大杯裝嘅翡翠檸檬愛玉🍋，價值$29。我揀咗微冰同1/3糖，而舖頭就真係跟住指定準備👍。星期六下午舖頭keep住人龍，所以都等咗陣先有嘢飲。舖頭裝修都幾靚，而且個杯甚至連飲筒個包裝都好有心思😍。大杯裝真係好大杯，一飲真係好清爽好fresh，1/3甜度真係啱啱好，最驚飲糖水。可能唔甜嘅關係，所以檸檬味較出，偏酸少少，咁樣啱哂剛剛食完炸雞嘅我。而且少冰都夠哂凍！愛玉啫喱量都唔少。好飲😋！其實呢到有賣好多其他飲品，都幾吸引，但我下次都幾大機會會encore檸檬愛玉，👍推介推介。同埋好似用旅遊app買都比起平日直接買平🙊。