影片
更多
2010-08-23
22 瀏覽
本來約左朋友 8:30 係荃灣食飯, 但實在太肚餓, 而且太太好想再回味一次太古城年代去翡翠既味道, 所以趁仲有時間就拿拿臨去一轉啦.6:45 分去到已經要排隊, 不過我地只係搭枱, 咁樣就即刻有位了. 同枱有 4 枱客, 一共 10 人, 冇計啦, 香港地係咁架啦. 但座位上既茶係一早沖定等你, 涼晒啦...叫左 3 樣野, 水煮牛肉拉麵, 上海雲吞拉麵同埋花素蒸餃.平心而論, 拉麵的確唔錯, 十分好咬口, 彈牙. 水煮牛肉味濃, 辛辣適中, 不且唔係太油膩. 賣 46 蚊, 中環黎講叫 ok.花素蒸餃 24 蚊得 3 隻, 咪同北京樓一樣價 ?? 皮厚而且唔 ok. 餡料好似有陣草青味, 但唔係太嚴重. 味道尚算可以, 但賣到 8 蚊隻, 唔值 lor...上海雲吞... 可以話係食過最差既一次, 單係上海雲吞已經可以 black list 依間翡翠. 雲吞連麵上枱, 冇一隻個皮係完整既, 全部穿晒. 明顯係淥定一堆, 然後放埋一齊, 用時翻淥, 咁樣用手指 / 筷子整過, 唔爛就出奇啦. 食落個皮漿糊咁, 唔係一塊架, 係一pat 架... 咁樣既雲吞,
6:45 分去到已經要排隊, 不過我地只係搭枱, 咁樣就即刻有位了. 同枱有 4 枱客, 一共 10 人, 冇計啦, 香港地係咁架啦. 但座位上既茶係一早沖定等你, 涼晒啦...
叫左 3 樣野, 水煮牛肉拉麵, 上海雲吞拉麵同埋花素蒸餃.
平心而論, 拉麵的確唔錯, 十分好咬口, 彈牙. 水煮牛肉味濃, 辛辣適中, 不且唔係太油膩. 賣 46 蚊, 中環黎講叫 ok.
花素蒸餃 24 蚊得 3 隻, 咪同北京樓一樣價 ?? 皮厚而且唔 ok. 餡料好似有陣草青味, 但唔係太嚴重. 味道尚算可以, 但賣到 8 蚊隻, 唔值 lor...
上海雲吞... 可以話係食過最差既一次, 單係上海雲吞已經可以 black list 依間翡翠. 雲吞連麵上枱, 冇一隻個皮係完整既, 全部穿晒. 明顯係淥定一堆, 然後放埋一齊, 用時翻淥, 咁樣用手指 / 筷子整過, 唔爛就出奇啦. 食落個皮漿糊咁, 唔係一塊架, 係一pat 架... 咁樣既雲吞, 點樣可以合格 ??
服務方面, 基本上係冇. 我地係同枱最快叫野既, 連其他食客既黃魚, 宮保蝦依 d 小菜同上到枱, 竟然我碗麵要等 20 分鐘, 係, waiter 有講明要等 10 - 15 分鐘, 但咁樣唔合理嘛. 另外原來要收茶錢每位 3 蚊, 但我真係唔覺眼佢邊度有寫要收 wor... 如果佢成壺茶比我, 我會比得順 d. 但問題係佢只搵過 waiter 見你飲晒就沖杯比你... 我就只飲左 2 杯暖茶而已, 咁就被屈 6.6 蚊.
張貼