影片
更多
2021-07-25
2492 瀏覽
年半前到訪過荃灣嘅「你妳」，除台灣菜做得出色之外，一份肉鬆芋泥吐司印象猶深。最近，要過到紅磡攞嘢，知道佢哋紅磡開咗間分台，專誠過去一趟，等老婆可以試試呢一款吐司。相對荃灣店，呢間紅磡店喺外賣店，不設堂食。門面最搶眼喺粉紅色嘅多拉A夢隨意門，門前仲有張小木櫈，相信日頭嚟會有唔少人專登坐晌度搞卡。而走進小店之內，一眼睇晒，後面嘅廚房好大，睇到師傅嘅製作，裝修就好簡約，牆邊有張小木枱可以擺一擺嘢，另外，牆上嘅食物相就成為主要嘅點綴。唔好以為一個客都無，好多落單後，都轉頭先嚟攞，睇到收銀枱旁一袋又一袋嘅外賣就知啦。佢哋呢間分店主打就喺吐司，尤其招牌嘅手作芋泥吐司、手作紫薯吐司，所以，全日無限量供應，唔似荃灣店可能賣完就無。此外，仲有多款不同口味、不同配搭嘅手作吐司，更有自選吐司，如車仔麵般自由配搭。而且，可以加錢轉為套餐、升級飲品，非常靈活。除吐司，亦有一系列鐵路便當，啱晒一啲「飯桶」人士，一日無飯到肚都唔安樂。講到台菜，台式飲品就自然喺另一亮點，多款台式飲品、手工特飲都有甚多選擇，非常有特色。此外，仲提供一系列仙草芋圓，大可作為餐後甜點。老婆真識揀，揀咗肉鬆芋泥吐司，而小弟揀咗入鐵板吐司，另
相對荃灣店，呢間紅磡店喺外賣店，不設堂食。門面最搶眼喺粉紅色嘅多拉A夢隨意門，門前仲有張小木櫈，相信日頭嚟會有唔少人專登坐晌度搞卡。
而走進小店之內，一眼睇晒，後面嘅廚房好大，睇到師傅嘅製作，裝修就好簡約，牆邊有張小木枱可以擺一擺嘢，另外，牆上嘅食物相就成為主要嘅點綴。
唔好以為一個客都無，好多落單後，都轉頭先嚟攞，睇到收銀枱旁一袋又一袋嘅外賣就知啦。
佢哋呢間分店主打就喺吐司，尤其招牌嘅手作芋泥吐司、手作紫薯吐司，所以，全日無限量供應，唔似荃灣店可能賣完就無。此外，仲有多款不同口味、不同配搭嘅手作吐司，更有自選吐司，如車仔麵般自由配搭。而且，可以加錢轉為套餐、升級飲品，非常靈活。
除吐司，亦有一系列鐵路便當，啱晒一啲「飯桶」人士，一日無飯到肚都唔安樂。講到台菜，台式飲品就自然喺另一亮點，多款台式飲品、手工特飲都有甚多選擇，非常有特色。此外，仲提供一系列仙草芋圓，大可作為餐後甜點。
老婆真識揀，揀咗肉鬆芋泥吐司，而小弟揀咗入鐵板吐司，另外就加錢轉為套餐，多一份小食及指定飲品，然而，我哋都想轉飲啲特別嘢，所以，再加錢轉其他嘢飲。
肉鬆芋泥吐司 $42上次荃灣店已試過，甚有驚喜，所以，事前都推薦老婆試試。咪睇賣到成$42一客，但真喺俾足料，厚厚嘅芋泥搭上大量肉鬆嚟做成嘅吐司，而製作芋泥都好花時間，又蒸又搓，手工嘢。拎上手感覺份外墜手，好足料，一口咁咬落去，芋泥又粉又綿滑，芋頭味勁濃郁，而肉鬆吊出絲絲鹹香味，老婆讚咁樣配搭真喺幾有新意。
肉鬆芋泥吐司
$42
29 瀏覽
0 讚好
0 留言
甜不辣配地瓜薯條 +20之前晌荃灣店試過一款小食梅甘地瓜條，不過，晌呢度唔見有，但轉套餐供選擇嘅小食就有甜不辣配地瓜薯條。甜不辣喺台灣用語，即喺天婦羅，但問我喺乜，我亦唔喺太知，食落脆到好飲餅乾咁，而蕃薯條甘香脆口，啲蕃薯又粉甜，入口唔油膩。
葡萄柚綠茶加紅豆 +$8老婆對指定嘅冬瓜茶麻麻哋，加$5改為葡萄柚綠茶，再加$3配紅豆。睇外觀就無咩特別，但入口西柚味幾突出，夾綠茶好襯，又有啲紅豆咬吓。
葡萄柚綠茶加紅豆
8 瀏覽
0 讚好
0 留言
因為上次已試過啲芋泥吐司，所以，今次我就揀咗鐵板吐司，幾款選擇都有興趣，但最終選秘製豬扒，純粹因為搭松露醬。整份吐司一樣好墬手，份量十足，大大口咬落去，滋味滿分，豬扒好鬆化，又有陣陣松露香，蕃茄、生菜都令到口感清爽啲。
一口鹽酥雞花枝丸 +20轉套餐製划算，當然，另一份吐司都轉埋啦，跟啲蕃薯條一樣，鹽酥雞及花枝丸食落亦都唔油，鹽酥雞外層甘香，肉質嫩滑，鹹鹹香香；花枝丸唔喺港式魚蛋嗰種彈牙，但墨魚味好強，用料十足。
仙草凍奶茶配珍珠 +$18台式食料，都喺偏好少少珍珠奶茶，所以，揀咗加$15改飲仙茶凍奶茶，再加$3配珍珠，大大杯奶茶，邊食邊飲，正呀喂。仙草好滑溜，珍珠就好咬口，不過，稍嫌今次嘅奶茶茶底薄咗啲，感覺就喺奶多過茶。
除咗小弟杯仙草凍奶茶有點失準之外，其他嘅吐司、小食、綠茶都好唔錯，所以，翻兜有理。
張貼
