六安居

營業中

休息中

唔限時嘅嘢我諗都係得中菜，以前住港島嗰陣呀婆成日都叫一盅兩件，同朋友吹下水，或者同茶樓伙記打下牙鮫，就咁就一個晏晝～所以見佢由蓮香X年代執咗又開返就嚟捧場～估唔到重開之後都仲保留到舊時感覺，晚市轉做小菜又幾好味，我哋叫咗孖寶優惠A $268 ，清蒸海斑仔、蒜香雞半隻～海斑仔好新鮮，勁大條，豉油蒸已經好好味～蒜香雞嫩得嚟好惹味，果然茶樓係唔同啲～ PS 晚市茶位每位$8，免加一 伙記好nice 食完仲叫我哋慢慢坐，又係咁換碟同幫手斟茶～望一望晏晝啲餐牌，價錢仲keep到，好多懷舊點心都係廿幾蚊起～下次都嚟先～