忠記粉麵

營業中

休息中

比起一年前嗰個少人咗好多，又係吸引遊客嚟自虐嘅地方，夏天只有強勁嘅風扇，同埋檔主嘅小背心，行入去基本間間都係食差唔多嘅嘢，粥粉麵飯，下午茶最多整個西多，時間係星期日嘅晏晝3:00左右，揀咗個所謂招牌嘅雲吞撈麵，味道正常，調味就係你同我屋企都有嘅蠔油，$45喺尖沙咀OK啦，嗰罐嘢飲係出邊免費派嘅（亦都係尖沙咀嘅好處），主要係食感覺。喺右邊嗰碗湯其實幾夠味道，枱上有多種調味料，檔主話辣椒醬係自己調，本人唔食得辣，唔識得欣賞。另外聽聞佢哋講檔與檔之間都唔係friend，背後互相沮咒又話搶邊個客嘅生意，我當食花生聽吓都幾搞笑，希望你哋唔好打交啦。