MOO MOO

營業中

休息中

放工經過觀塘，知道工廈好多美食，所以與同事揀了一間食漢堡的餐廳。餐廳有分室外同室內，感覺好chill，適合同朋友飲杯野傾一晚。不過座位數量比較少，想霸個靚位就要早d到啦。我們點了經典之堡、美式之堡、白菌之堡、肉汁薯條、洋蔥圈。經典之堡牛肉牛味濃郁，5成熟，充滿肉汁，配上moo moo醬汁，十分高質。美式之堡就最適合食肉獸的朋友，啖啖肉，配bbq汁，好有風味。白菌之堡松露味出眾，同樣滋味。肉汁薯條略咸，但做佐酒小食就剛好。洋蔥圈用真洋蔥新鮮炸，脆而不油。另外，我們點了三杯分別是蘋果特飲，檸檬特飲，芒果薑味特飲，水果味略淡，有待改善。