奕 串燒料理 (已結業)

前排去銅鑼灣做嘢，同同事去咗一間比較新嘅日本餐廳食lunch，叫奕， 午市定食有10款。我哋order咗碎葱吞拿魚海膽丼，同埋汁燒雞扒定食。 個碎葱吞拿魚海膽丼真係好別緻，睇得出廚師好有心機烹調，個飯根本係一個藝術品咁靚，絕對係打卡之選。海膽分量超多而且好新鮮，啖啖都係濃濃日本海膽嘅味道，而碎吞拿魚亦都十分有鮮味，加埋配料同埋飯食，每一啖都好正。 而雞扒就燒得恰到好處，個皮有微焦同埋金黃色，配埋鮮嫩嘅雞肉又係食到停唔到口，如果有機會再去銅鑼灣我一定會再嚟，試埋佢哋嘅晚餐質素。