祥興記上海生煎包 (譚臣道)

營業中

休息中

之前都幫襯過幾次，佢啲生煎包係幾好味，不過有時唔想食咁多肉，中午唔係好肚餓，就會想落嚟買碗湯粉絲。見佢有一款老上海雙檔粉絲湯，其實睇個名根本唔知佢係乜，試過就覺得都幾好味，啲粉絲算係幼滑，不過份量真係唔夠食午餐，可以加錢配埋生煎包。所謂雙檔，上網睇叫做百頁包和有肉餡嘅麵筋，其實我覺得幾好味，同埋唔係成日見到有得食。見大家都批評佢哋嘅服務態度，我未比佢哋鬧過，不過又真係從來冇見過啲員工有笑容。同埋呢間好似只收現金。