影片
更多
2022-10-15
1585 瀏覽
終於都等到秋天嘅天氣，清爽涼快，有心機去中上環散散步，跟住好有feel咁去食老上海美食，上海弄堂菜肉餛飩 朋友食過話想再食。店內裝修充滿老上海的復古氣息，給人一種慢活的感覺。 小店招牌菜肉餛飩，我哋掛住傾偈竟然忘記咗，唯有下次再嚟食過餛飩。我哋每人一個一人套餐份量幾多，價錢豐儉由人，特色涼菜、主菜、主食同埋飲品都包括在內，真係好抵食。酸辣湯、花雕醉雞及擔擔麵都值得一試。酸辣湯細細個去上海舖，一定要飲酸辣湯，這裏招牌酸辣湯，用料十足，我見到有最傳統的豬雜絲、木耳、冬菇絲，酸辣味道適中少辣，酸辣好開胃。特色涼菜鎮江肴肉、花雕醉雞真係不二之選。＋＄8 陳年花雕醉雞陳年花雕醉雞肉質彈牙，充滿陳年花雕香味，濃濃雞味，清新健康的感覺，酒味很配合雞肉的嫩滑。鎮江肴肉(3片)涼菜鎮江肴肉，平日好少食到，呢種特色小食好考功夫，賣相已經層次豐富，肉味濃郁，一層啫喱一層肉，咬落肉質結實，好有上海風味。無錫排骨古法炮製，無錫排骨酸甜有一種薑醋嘅味道，排骨炆得軟硬適中，味道鹹香中有一點甜味，鮮味不肥膩。弄堂回鍋肉回鍋肉鑊氣十足，肉香撲鼻，最鍾意食半肥瘦腩肉，配料爆香青椒、椰菜辛辣非常惹味，爽口彈牙。擔擔麵(另加
店內裝修充滿老上海的復古氣息，給人一種慢活的感覺。 小店招牌菜肉餛飩，我哋掛住傾偈竟然忘記咗，唯有下次再嚟食過餛飩。
我哋每人一個一人套餐份量幾多，價錢豐儉由人，特色涼菜、主菜、主食同埋飲品都包括在內，真係好抵食。酸辣湯、花雕醉雞及擔擔麵都值得一試。
酸辣湯
細細個去上海舖，一定要飲酸辣湯，這裏招牌酸辣湯，用料十足，我見到有最傳統的豬雜絲、木耳、冬菇絲，酸辣味道適中少辣，酸辣好開胃。
特色涼菜
鎮江肴肉、花雕醉雞真係不二之選。
＋＄8 陳年花雕醉雞
陳年花雕醉雞肉質彈牙，充滿陳年花雕香味，濃濃雞味，清新健康的感覺，酒味很配合雞肉的嫩滑。
鎮江肴肉(3片)
涼菜鎮江肴肉，平日好少食到，呢種特色小食好考功夫，賣相已經層次豐富，肉味濃郁，一層啫喱一層肉，咬落肉質結實，好有上海風味。
無錫排骨
古法炮製，無錫排骨酸甜有一種薑醋嘅味道，排骨炆得軟硬適中，味道鹹香中有一點甜味，鮮味不肥膩。
弄堂回鍋肉
回鍋肉鑊氣十足，肉香撲鼻，最鍾意食半肥瘦腩肉，配料爆香青椒、椰菜辛辣非常惹味，爽口彈牙。
擔擔麵(另加＄8)
做法很傳統的擔擔麵，湯底十分濃厚，紅油鋪滿上海麵，掛湯度高，每一啖都品嘗到香辣湯汁，愈食辣愈過癮，再加上花生粒肉碎同蔥花，好滿足呢！
豆漿
最後飲品有濃郁的豆漿，清熱解辣，甜度啱啱好。
總括這裏的上海菜味道很不錯，質素高，非常豐富好食，價錢合理。
張貼
