影片
更多
2022-09-06
243 瀏覽
西貢地鐵站開通啦，講笑咋，仲嫌西貢唔夠多人咩🫠幅牆係牛牛入面，打卡玩人實有人上當，因為我試過🤭 今次係二訪牛牛，上次嚟食冇寫到食評老公食過一次之後係咁嘈住話要再嚟食，超煩咁又真係幾好食嘅，落雨都阻止唔到我哋 ✦ 黑松露滑蛋飯啲黑松露醬多到好似唔洗錢咁，勁大方滑蛋生熟度控制得啱啱好蛋汁+ 黑松露醬撈飯一流，夠晒惹味 推介指數：❤️❤️❤️❤️🤍 - ✦ 沙嗲牛肉麵 $𝟺𝟻沙嗲湯底好濃，沙嗲偏甜牛肉好淋好滑，唔似梳打牛咁冇晒質感牛肉嘅份量都幾多咖 推介指數：❤️❤️❤️❤️❤️ - ✦ 流沙鹹蛋黃薯條 $𝟹𝟾新鮮炸起每條都脆卜卜同埋每條薯條都好均勻咁痴滿晒鹹蛋黃碎唔算好重鹹蛋黃味，所以一啲都唔漏，食到唔停口 推介指數：❤️❤️❤️❤️❤️ - 老闆同老闆娘都好𝑛𝑖𝑐𝑒，介紹野食之餘又會吹吓水咁上次埋單果時，老公拎咗一袋神沙出嚟慢慢數其實唔係太好意思，但難得有機會用同埋記得用點知老闆娘見到，仲話用剩果啲神沙可以同佢唱埋終於都唔洗擔心啲神沙點洗啦，如釋重負 今次去係落緊雨，有一對情侶同埋狗狗坐咗喺出邊張枱無啦啦落狗屎，嚇到狗狗縮埋一舊老闆娘見到呢個情況，都好歡迎狗狗入去舖頭入面雖然狗狗最後都冇入到鋪頭但呢啲人情
西貢地鐵站開通啦，講笑咋，仲嫌西貢唔夠多人咩🫠
幅牆係牛牛入面，打卡玩人實有人上當，因為我試過🤭
今次係二訪牛牛，上次嚟食冇寫到食評
老公食過一次之後係咁嘈住話要再嚟食，超煩
咁又真係幾好食嘅，落雨都阻止唔到我哋
✦ 黑松露滑蛋飯
啲黑松露醬多到好似唔洗錢咁，勁大方
滑蛋生熟度控制得啱啱好
蛋汁+ 黑松露醬撈飯一流，夠晒惹味
推介指數：❤️❤️❤️❤️🤍
-
✦ 沙嗲牛肉麵 $𝟺𝟻
沙嗲湯底好濃，沙嗲偏甜
牛肉好淋好滑，唔似梳打牛咁冇晒質感
牛肉嘅份量都幾多咖
推介指數：❤️❤️❤️❤️❤️
-
✦ 流沙鹹蛋黃薯條 $𝟹𝟾
新鮮炸起每條都脆卜卜
同埋每條薯條都好均勻咁痴滿晒鹹蛋黃碎
唔算好重鹹蛋黃味，所以一啲都唔漏，食到唔停口
推介指數：❤️❤️❤️❤️❤️
-
老闆同老闆娘都好𝑛𝑖𝑐𝑒，介紹野食之餘又會吹吓水咁
上次埋單果時，老公拎咗一袋神沙出嚟慢慢數
其實唔係太好意思，但難得有機會用同埋記得用
點知老闆娘見到，仲話用剩果啲神沙可以同佢唱埋
終於都唔洗擔心啲神沙點洗啦，如釋重負
今次去係落緊雨，有一對情侶同埋狗狗坐咗喺出邊張枱
無啦啦落狗屎，嚇到狗狗縮埋一舊
老闆娘見到呢個情況，都好歡迎狗狗入去舖頭入面
雖然狗狗最後都冇入到鋪頭
但呢啲人情味都唔係間間小店有咖🥰
張貼
