影片
更多
2018-05-29
1868 瀏覽
最初好擔心book唔到...咁啱撞正chef唔係香港...XD黎到餐廳...見到個鴨仔燈牌就知道我搵到佢了...店內嘅裝潢好別緻...睇得出有花過心思...成個環境好舒服...有柔和嘅音樂...太嘈chef都會提示食客...基本上主廚都係一腳踢...由點餐到送餐同埋收盤...現場仲有佢先生會幫忙...由於我地得兩個人...就冇開到酒飲了...各自嗌咗兩枝啤酒飲...我叫咗薑啤...老公叫咗兩枝日本手工啤酒...一枝係薯仔flavour一枝係coffee&choco mix嘅黑啤...三款啤酒都好好飲...薑啤好清新嘅感覺...淡淡嘅薑味...唔甜...我個人好喜歡...配肉一流...薯仔啤偏濃&苦...重口人士應該會喜歡...我老公超欣賞呢款啤酒...順帶一提佢係得獎嘅啤酒...我就比較喜歡另一款黑啤...有少許甜味...好香嘅啡味...好特別...食物方面,主廚推介咗個魷魚小食...彈牙嘅魷魚配上蕃茄香草黑欖打成嘅汁...個辣係會越食越辣...但係唔會太辣...個汁好好味...蕃茄同香草嘅比例配合得非常好...主菜我地叫咗個肉眼七成熟&龍蝦pasta(麵我揀咗佢地自家製嘅蛋麵,我個人
黎到餐廳...見到個鴨仔燈牌就知道我搵到佢了...
店內嘅裝潢好別緻...睇得出有花過心思...
成個環境好舒服...有柔和嘅音樂...
太嘈chef都會提示食客...
基本上主廚都係一腳踢...由點餐到送餐同埋收盤...
現場仲有佢先生會幫忙...
由於我地得兩個人...就冇開到酒飲了...
各自嗌咗兩枝啤酒飲...我叫咗薑啤...老公叫咗兩枝日本手工啤酒...一枝係薯仔flavour一枝係coffee&choco mix嘅黑啤...三款啤酒都好好飲...薑啤好清新嘅感覺...淡淡嘅薑味...唔甜...我個人好喜歡...配肉一流...薯仔啤偏濃&苦...重口人士應該會喜歡...我老公超欣賞呢款啤酒...順帶一提佢係得獎嘅啤酒...我就比較喜歡另一款黑啤...有少許甜味...好香嘅啡味...好特別...
食物方面,主廚推介咗個魷魚小食...彈牙嘅魷魚配上蕃茄香草黑欖打成嘅汁...個辣係會越食越辣...但係唔會太辣...個汁好好味...蕃茄同香草嘅比例配合得非常好...
主菜我地叫咗個肉眼七成熟&龍蝦pasta(麵我揀咗佢地自家製嘅蛋麵,我個人非常熱愛hand made野 )
pasta黎先...一放低就聞到好香嘅龍蝦味...擺盤簡單但係我覺得very good...半隻開邊龍蝦包住中間嘅pasta...pasta中間有d香草係中間...所以汁雖然濃但唔會膩...龍蝦彈牙同埋上面嘅醬汁非常出色...好香!!!
主廚見我地就黎食哂個pasta先準備個肉眼...我覺得好細心...呢d就係小店嘅好處...
肉眼好大塊,..油脂夠...但唔會太多...火候控制得非常好...啱啱好冇血滴出黎,..但肉質仲超鬆軟...有入口化開嘅感覺...令我異常感動...好耐冇食到呢種口感...出面嘅高級餐廳都食唔到...上面燒過嘅甘荀好甜...薯蓉超幼滑...配菜嘅菇菌帶點微酸,口感爽爽的...好味...但係我最鐘意嘅配菜係旁邊嘅兩隻黑醋小蕃茄...XD
最後點埋個TIRAMISU...MOOSE滑得黎有COFFEE嘅香味...
為我嘅晚飯劃上完美嘅句點...
整體我都非常滿意,我亦都會推薦朋友黎食...
$840
23 瀏覽
0 讚好
0 留言
張貼
