影片
更多
2019-07-03
77 瀏覽
是日加班加到好夜，本身約左朋友去葵廣掃街，但真係太攰了就轉戰附近餐廳，我本身好鍾意食港式茶餐廳，就隨便openrice一間茶記就去咗啦，點知一入到去，真係驚喜連連。一入到去，90年代既裝修真係好吸引眼球，係一個咁既環境到食野，份外有感覺😍餐廳菜單用90年化信封風格，唔打開睇真係分分鐘估唔到佢係菜單😂成個環境都咁有心思，食物又點會差呢，一打開見到有個叫芝士蝦球保齡球既食物，仲要配上大量蝦同芝士，未點都覺得好邪惡，作為拉絲愛好者既我，二話不說就叫左！黎到，果然！打卡一流，味道方面，原來係係炒飯配芝士蝦球同麵包，十分有趣，而且餐廳另外上咗大量芝士，作為愛好者既我覺得簡直係大大大滿足。不過！芝士分量真係太多，食到有小小膩，建議叫多幾個好朋友黎分享。獨食就太肥了😢另外餐廳仲有晚餐，我朋友點咗巨型厚切無豬柳，真係超巨型！餐廳好大手筆！豬柳超厚，口感又極好，唔似平時食既豬肉咁軔，完全可以比美牛肉既口感，味道方面又好好，再加上餐廳好有心思咁插左一支美國旗，好正，好味，好好玩！重要既野要講三次！另外大胃王既我地仲點咗老鳳雞翼同蜜椒雞翼，蜜椒雞翼簡單係神作！我諗應該係用咗蜜糖同黑椒，味道好出眾，鍾意甜既朋
一入到去，90年代既裝修真係好吸引眼球，係一個咁既環境到食野，份外有感覺😍
餐廳菜單用90年化信封風格，唔打開睇真係分分鐘估唔到佢係菜單😂
成個環境都咁有心思，食物又點會差呢，一打開見到有個叫芝士蝦球保齡球既食物，仲要配上大量蝦同芝士，未點都覺得好邪惡，作為拉絲愛好者既我，二話不說就叫左！黎到，果然！打卡一流，味道方面，原來係係炒飯配芝士蝦球同麵包，十分有趣，而且餐廳另外上咗大量芝士，作為愛好者既我覺得簡直係大大大滿足。不過！芝士分量真係太多，食到有小小膩，建議叫多幾個好朋友黎分享。獨食就太肥了😢
另外餐廳仲有晚餐，我朋友點咗巨型厚切無豬柳，真係超巨型！餐廳好大手筆！豬柳超厚，口感又極好，唔似平時食既豬肉咁軔，完全可以比美牛肉既口感，味道方面又好好，再加上餐廳好有心思咁插左一支美國旗，好正，好味，好好玩！重要既野要講三次！
另外大胃王既我地仲點咗老鳳雞翼同蜜椒雞翼，蜜椒雞翼簡單係神作！我諗應該係用咗蜜糖同黑椒，味道好出眾，鍾意甜既朋友一定會愛上！老鳳雞翼就係瑞士汁雞翼，其實都唔錯，但同蜜椒雞翼比起黎就有小小遜色，實在太驚豔啦蜜椒，好味到令人想即刻encore呀。
飲品方面都好有特色，我點咗雪糕紅豆冰，比起坊間既紅豆冰實在有心思太多，雪糕係雪糕糯米糍，融咗都唔影響飲品既味道，仲有一張可以食用既啤牌，食得又睇得，好正呀！朋友果杯益力多加冰，就真係益力多加冰😂好飲，但比我果杯實在差太遠了。
張貼
