黑麥 (已結業)

帶過老友o黎食過一次，佢嚷著shopping前要o黎食。今次食o左個白汁三文魚磨菇奄烈，份量唔細，除了奄烈外，仲有兩件多士同一兜蘋果沙律，奄烈好好味，雖然係白汁，不過唔會溜，而蛋就整得過火、較老；蘋果沙律因為醬汁唔多，食落好清新。芝士白汁蛋三文治(合桃飽)，三文治size好似比以前細o左，料又少。而合桃飽雖然鬆軟，但唔夠合桃又唔夠香。合桃朱古力brownie-配埋一球雲呢雪榚，質地好結實，有埋合桃碎更增加口感，可惜朱古力味唔夠濃。幸好冇叫野飲，食完實在太飽啦!