唐記粉麵小食

營業中

休息中

唔經唔覺幫襯左唐記都有差唔多八年.. 呢間野俾我既感覺係平靚正.. 一個車仔麵都係十四蚊三個餸.. 以前都係十二雞ja.. 而且佢d味道都幾好ka.. d腩汁好好味ka.. 就算唔加色都好好.. 佢既腩汁味係有別於一般既雲吞麵鋪.. 曾經聞過佢整秘汁既時候既氣味.. 其實都幾攻鼻.. 証明佢貨真價實.. 唯一唔好既就係佢既老闆娘呢.. 可能佢真係搵夠.. so態度麻麻.. 而其他員工都算合格既.. 不過始終都係家族生意.. so鋪頭細少少囉.. 算啦.. 都係講番d野食.. 今日我叫左個牛筋河.. 好味呢.. d牛筋好淋好入麵.. 而男朋友仔就叫左個淨餸.. 十四蚊四個餸.. 加多三蚊多一個.. 有豆卜.. 蘿蔔.. 豬腸.. 雞尖.. 豆卜ok.. 蘿蔔今日都好入味.. 豬腸好味.. 雞尖就不嬲都係咁淋咁入味.. 除左服務.. 呢間野真係值得一試!!!