老夫子港式餐廳 (已結業)

放工去九龍展貿食飯，有間老夫子港式茶餐廳試業中，食物是茶餐廳應有盡有咁，有燒味，炒粉麵飯，煲仔飯，雲吞麵都有。門口有大大個老夫子托金的，還有老夫子向人求婚的，好搞笑，仲有d 櫈的顏色都好靚。野食方面，口水雞半隻為七十元，足料大大份，雞上面加了滿滿的醬料及紅油，入口香辣，夠曬惹味，送飯一流。我們再點了甜酸京都肉排餐，配飯及飲品，個醬汁酸酸甜甜，個汁又唔會太濃，剛剛好。套餐仲可以加十蚊，有個油菜。餐飲方面就有檸茶檸水的選擇，我地加錢改了檸檬可樂。