香港仔一品魚蛋王 (已結業)

老媽子好中意去呢間香港仔一品魚蛋王，總之一諗唔到食咩，就香港仔啦！雖然佢叫魚蛋王，卻不一定要吃魚蛋粉的，這裡也有飯供應，如我這次便點了牛筋飯。佢既飯都幾大碟下，細食的請記緊要少飯，免得浪費。牛筋，最著重是口感，這裡的總算膠質幾重，幾好的。白飯撈埋腩汁，好醒胃，即使炎炎夏日，也不怕沒食慾。咖啡反而不太突出，我揀了，是因為習慣每天要喝一杯而已。