人和荳品廠 (已搬遷) 新店位置

由小吃到大的人和店，質素依舊咁高咁好，價錢咁多年都冇話加價加得好西利，仍然覺得好抵食👍🏼。每次經過都見到小小既店舖座無虛席，要同人搭枱既機會好高😂。必食既當然係 豉油王炒麵🍝同魚肉煎豆腐🥚。豉油王炒麵（$16）每一條炒麵都染上了豉油的深色，非常均勻，配上少少嘅豆卜同埋椰菜，口感好好。有調味料架（豉油、甜醬、辣椒醬）可以自行添加調味。魚肉煎豆腐（$16）新鮮滾熱辣、即叫即煎，因為客人流水式咁黎幫襯，幾乎每個人都會order，所以全部都係新鮮煮緊再上碟。豆腐煎到個面好香口好脆，超熱要攤凍一陣先可以放入口♨️。