上海美華菜館 (已結業)

自從土瓜灣地鐵站開通之後，好多人開始介紹呢區美食，我都唔執輸，即刻嚟試吓呢間人人稱傳統老上海味道嘅平民早餐。而家樓宇外牆保修，鋪面搭哂棚，一眼就見到。其實入到去見到店面冇想像中咁傳統，唔知係咪因為嚟香港之後比度同化咗，但店員就應該係正宗上海人，私底下都會用方言溝通。今日點咗兩樣傳統早餐🥣1️⃣ 鹹豆漿其實我以前去上海都冇留意到原來有鹹豆漿，但喺台灣就見過，有豆花、油條、蔥花、蘿蔔乾等等，味道都ok ，可以按個人喜好加醋食用。2️⃣ 小籠包呢個小籠包真係令我好失望，雖然肉涵都幾好食，不過一籠就得4個，仲要有一個穿咗漏曬汁，4個承為30蚊，真係貴夾唔好食。推薦星評：2🌟順帶一提，呢間嘢嘅服務態度唔太好，點餐叫咗3個人先點到，仲要睇佢哋面色，我就應該唔會再去喇。