華香雞 (已結業)

細個住係荃灣老豆成日都買華香雞比我食，自從搬左出去住就無再食過。今日同女朋友係灣仔行開街睇Openrice見倒有華香雞，二話不說去重拾一下兒時味道。坐低直接叫左個深度二人餐。華香雞+茶香雞係呢度招牌，勁好彩抽中倒一隻雞脾。兩款雞肉質都好嫩滑，隻雞唔係超級肥個D肥到好多肥膏，反而佢半肥瘦令到食落無油膩感。另外薑蓉亦唔會喧賓奪主，同埋個蒜蓉鼓油同個雞真係好夾，係出面好少食呢個組合。滷水拼盤呢個滷水拼盤樣樣都滷得好入味，最重要係雞腎真係有驚喜，通常食燒味店雞腎都九成係硬過石頭，今次係滷得入味得黎，又幾淋。另外個肥豬肉 7成肥3成瘦，但係食落一D都唔肥膩。