富園海鮮飯店 (已結業)

聽屋企人講呢間都開咗好耐吓，以前好好味，講開好耐無食過又想去食吓。的確佢啲裝修同埋格局都幾舊下，完全係舊式酒樓嘅感覺，有名你叫海鮮酒家，就梗係嗌到成枱都係海鮮至啱數啦。叫咗個芝士龍蝦伊面底，龍蝦都幾大隻，但伊面比較乾身。鮑魚啱啱好每人一隻，但有啲難開。整多個薑蔥炒蟹，啲蟹就細隻咗啲。呢個蝦碌係就係份量少啲，味道都唔錯嘅。蒜蓉蒸得幾香，但係我覺得唔係咁入味。成晚最好味就係呢個賴尿蝦，炒得好香！咁除咗海鮮都叫返隻雞嚟食吓，但略嫌老咗少少。