福元湯圓

營業中

休息中

難得出到咁遠，揾到呢間出名嘅老字號食甜品。店内座位唔算太多，見唔少人都揀外賣自取。湯圓係最出名，所以都唔試其他住了。薑湯唔會太甜，薑味出但唔會太霸道，有種家常嘅感覺。要左雙併($26)，有芝麻花生兩種味。湯圓大大粒，好似魚蛋咁。個皮好滑兼軟糯，輕輕一口就咬得開。餡好足料，幾乎係爆出黎咁濟。芝麻味好香，一咬開非常流心，見到芝麻饀好有油分先會做到岩漿嘅效果。雖然花生冇芝麻咁流心，但就有花生微粒，增加左口感。手作湯圓的確係好食啲嘅，入得北角嘅不妨試下。