陳儀興飯店 (崇齡街)

營業中

休息中

食陳儀興食上癮😂今次去到新蒲崗，去咗佢哋嘅老店，食海鮮打冷🤭  店面真係好似有懷舊香港嘅感覺， 放咗不同類型嘅河鮮海鮮，亦都有即切滷味部。 見到全場滿座，好彩原來街口轉角位仲有多啲位。 椒鹽鱔片 份量都幾大！炸到脆口惹味，冇咩細骨，可以大大啖食！ 潮式炸蠔餅 | 鹵水拼盤基本上食親打冷都必點嘅項目！蠔仔好大粒飽滿冇沙。 鹵水拼盤中嘅魷魚好彈牙！不過溫馨提示，呢度個鹵水拼盤係冇鵝件㗎。 辣酒煮花螺重口味之選，花螺入味爽口，絕非平時一般用嘅東風螺！ 京蔥炒羊肉呢個喺潮州店就比較少見，上枱香噴噴！食落發現用上孜然去炒，所以額外惹味！羊肉嫩滑。脆皮落湯錢幾特別，冇餡料嘅糯米糍配上大量花生碎。