老三陽 (已搬遷) 新店位置

其實每年都有幫襯老三陽買大閘蟹，結合多年經驗，發現越大嘅蟹，瀨嘢嘅機會越高。以今年為例，咬實牙根，買咗$400一隻嘅大蟹，9隻裡面有2隻唔新鮮，所謂唔新鮮就係蟹羔點樣蒸都係水汪汪，重帶啲腥味，蟹肉亦唔實。真係食有驚肚痾，唔食又白蝕。其餘5隻就好似張相咁，有帶微黃而油甘極香嘅蟹羔，但份量唔足，反而充斥住嗰啲白白哋色半透明狀，據說係蟹公荷爾蒙嘅嘢。又唔可以話唔好食，不過咁貴，我會期望爆唒羔囉，不過都好彩，有2隻符合預期，勁爆羔！講到尾，呢啲真係高風險買賣，自己又唔識揀，又無得換，更加無得退錢。所以一定要揾間口卑好，老字號都係參考下嘅啫。