新東記魚蛋粉

營業中

休息中

我之前都講過，本身都幾鍾意食牛，今日中午來到荃灣區食牛腩、牛肚麵。這間是老字號，在荃灣區正宗老麵店佢都算數一數二了。自家製魚蛋、炸魚皮是招牌嘢，但我每次來都必食佢哋嘅牛腩和牛肚。無來兩三個月，原來加咗價，以前食雙拼麵只是$35，家下加到$40，唔怪之得平時呢個時間應該會好多人，家下只得兩檯人。我哋叫咗一碗牛腩魚蛋麵和一碗牛肚墨太麵，餸可以撈亂食。牛腩魚蛋麵牛肚墨丸麵蔥花和冬菜係必加的，可以增可湯底香味。魚蛋真材實料無花假，係自家手打，爽口彈牙，魚味夠。墨丸同樣彈牙，無得輸。牛肚質感獨特，又腍又爽。牛腩好出色，有少少肥，所以香，腩肉夠腍，正!麵是傳統蛋麵，好好食。