浩記甜品

營業中

休息中

喺土瓜灣食完飯，天氣凍，未夠喉，想食碗糖水。今次我就去咗浩記甜品。星期六晚堂食外賣都好旺，不過等一陣就有位。由糖水款式，到鋪頭裝修格局，都同一般港式糖水鋪差唔多。今次我就試咗蛋白燉鮮奶、生磨杏仁糊同埋薑汁桂花湯圓。生磨杏磨糊非常香，大家可試試。薑汁桂花湯圓方面，我就鍾情傳統黃糖薑茶底，薑汁桂花就唔太適合我，芝麻湯圓就好好食！蛋白燉鮮奶都唔錯，口感好滑，甜度適中。大家下次係土瓜灣食完飯就多個糖水選擇喇！