新記煲仔雞粥 (已結業)

近日天氣又轉冷，梗係要食返碗粥暖下個胃啦，今次去咗老字號~新記！大排檔風格，店員豪氣，講嘢夠晒大聲！嚟到新記梗係要食返碗雞粥囉，貴妃雞生滾粥，雞味香濃，黃油出晒嚟，足底仲加咗腐竹落去煲，夠晒綿！即炸大乳鴿乳鴿非常大隻，炸得香脆，肉嫩多汁！辣椒絲腐乳通菜火候和份量都十足即拉叉燒腸粉，皮薄料多！大支裝藍妹啤酒都係廿零蚊一支，夠晒抵飲！薑蔥爆田雞，好少地方有得食，肉嫩，愛田雞的必試！人均消費百多元，經典元朗食品算不錯吧！