華香雞 (已結業)

今日同媽子行街出開嚟灣仔，見到呢間華香雞都幾多人食。小店位置唔多，不過好旺場。原來已經做街坊生意做咗37年，1988年嘅老店，就試下佢啦。嗌咗個豐盛二人餐（$238），有華茶雞半隻（即係華香雞拼烏龍茶雞）、鹵水拼盤、菜心同兩個飯、兩杯餐飲👍🏻雞嘅份量都幾足😃雞肉滑溜，仲有最愛嗰層啫喱狀膏油😆烏龍茶的雞皮充滿淡淡煙燻味，兩款雞嘅醃料偏濃味。鹵水拼盤包括：鹵水蛋、豬耳、雞腎、豬手同腩肉。最愛鹵水蛋，隻蛋好靚仔😗其餘鹵水都幾入味，雞腎&豬耳幾爽，豬腩肉亦唔算好肥。配埋黃薑飯同青菜，仲有杯奶味好濃的凍奶茶😌好飽肚嘅一餐！