聚寶堂

營業中

休息中

今日黎到藍田行街，行到累累地就搵間餐廳食野休息下，比我地發現左呢間餐廳，原來呢間餐廳都有廿年歷史，真係要試真啲。首先我地點左個小食，鹽酥雞拼台灣腸，我個人十分喜愛台灣腸，甜甜地好好味，唔使去到台灣都可以食到，真係十分之滿足。鹽酥雞非常香脆可口，口感一流。啲味粉配合得非常好。閨蜜十分喜愛。主食方面就點左泰味香茅豬扒炒金邊粉，呢個粉非常彈牙，好有口感，味道都唔錯，值得一試。另一款主食係招牌豬頸肉炒飯，呢個真係好好味，我同閨蜜都十分喜愛，炒飯粒粒金香。世界級享受，呢個一定要試，包你會愛上，回味無窮。飲品方面就選左芒果珍珠露，呢個都好有奶香味，今次叫左室溫，好岩女士們飲。另一杯係紅豆冰，呢道既係好經典，上面有一層椰子溶，味道好香濃，下層有紅豆，非常有層次感，真心好飲，一定要試下。