劉森記麵家 (桂林街)

營業中

休息中

老字號麵店，聞名不如見面，想不到假日非繁忙時段仍全場滿座，不用等到打卡時候先多人，咁就叫做有實力。份量多，味道好，夠哂誠意。醃蘿蔔 免費 向來都不太喜歡這些醃蘿蔔或蕎頭，但同行姊妹再三強調正，就試試，一試真係停唔到，味道酸酸地，但無時常食到個種酸帶苦澀味道，非常開胃清新又爽口，必食。牛腩牛筋撈麵 $38個人偏向喜歡撈麵，就點了撈麵，竹昇麵因加鴨蛋變得又香又夠彈牙爽口，份量多，中間剪了麵更方便食。腩汁牛味濃，牛腩唔乾唔肥，牛筋彈口。