深井陳記燒鵝酒家

營業中

休息中

深井陳記開左好多年，我同家人係好多年前食過，最近剛好行完山後重遊此地，所以再黎拜訪一下。晚上7點左右陳記已經差不多坐滿人，幸運地還剩一卡位可以安排我地坐唔洗等位。呢度d食客似係街坊，很熱鬧很熟服務生。一位疑似老闆娘知道我地很少來，熱心向我地推薦幾款小菜如下：老火靚湯$88 木瓜雪耳豬展煲雞腳個湯料足湯水靚又甜，越飲越起勁，起碼每人飲左兩碗燒鵝例牌下莊$165幾好，味道同當年水準差不多。啫啫通菜煲$58通菜新鮮，啫啫咪香濃好野味。椒鹽九肚魚 $88份量大碟比想像中多、九肚魚炸得黃金又酥脆，內裡嫩滑，係炸到岩岩熟果種!! 椒鹽味道夠，點唔點喼汁都好味，我媽非常喜歡。金銀蒜蝦乾蒸勝瓜$68蒜味同勝瓜永遠是不敗既配搭，呢道菜加埋蝦乾，味道更香更出。超值海鮮孖寶$378龍躉球+蒜蓉粉絲蒸聖子皇我最期待同滿足既一道菜，而且我爸最愛魚都對此讚不絕口，龍躉片同聖子都好新鮮，同蒜味好夾砵酒美國桶蠔$168呢道是最驚喜的一道，蠔非常肥美而且冇sen 味，個洋蔥汁帶酒味既配搭好突出，令人越食越想繼續食。老闆娘好好人，臨走重送我地甜品番薯糖水。