鏞記酒家

營業中

休息中

鏞記酒家有幾層樓，去到樓上得我地一張枱。先來一個酸薑皮蛋，本身有啲抗拒皮蛋，但係試咗之後發覺質感都唔係太差，酸薑好好味又好爽，但係單吃會好搶喉。之後嚟一個冬瓜盅，10分足料，夠12個人食。第一次食椒鹽海參扣，好爽口，炸得又好脆，食到停唔到口再嚟個燒鵝例牌，比想像中冇咁好食，肉質比較實。之後再嚟一個清湯腩，每日限定十份，十分推介。肥瘦適中，又爽口。斑塊肉質比較嫩荷葉飯濕度適中，唔會太乾或太濕最後上甜品: 有芝麻糊同蛋撻芝麻糊唔會太水，亦唔會太甜。蛋撻就比較普通，又甜左少少。