良記餐廳(老鳳冰室) (已結業)

同家人去深水埗行街，之後入左間裝修幾懷舊的冰室餐廳食晚餐。入面環境播住啲懷舊歌曲，牆上就是一堆懷舊海報，真係好似返左去70年代。點左個推薦的黑松露炒蛋多士，黑松露好多又香，炒蛋好香又滑，一口多士連炒蛋，真係好香好有特色。小食叫左份蒜蓉翠玉瓜和老鳳雞翼，滷水味雞翼好淋好入味，配合芝麻香味，啖啖滷水雞肉，齒頰留香。蒜蓉翠玉瓜，蒜蓉好濃好香，翠玉瓜清新爽口，好爽蒜泥味，開胃又野味。主菜點左焗芝士海鮮保齡球，包包外脆內軟，入面有芝士海鮮焗飯，清左入面的焗飯後，再拆出面包點芝士醬，又係另一種特色食法，係好特別的一道菜。最後點左杯好立克，正正常常茶記味道，但雪糕紅豆冰，就無得輸。勁大杯又靚，打卡之餘又好食。上面好滑的cream, 配埋二球雪糕，入面又有棉棉冰，紅冰粒，一次過滿足晒所有願望，必點既飲料，值得推荐。