影片
更多
2017-05-05
1371 瀏覽
本身都喜歡食上海菜，因為佢比較清淡，無論係老人家同小朋友都食得。適逢家人食生日飯，因為有病人要戒口嘅關係，上海菜絕對係一個好選擇，於是就選擇左鼎泰豐。想當年鼎泰豐只有在台灣先可以食到，而我只會外賣小蘢包响附近食完，免去排隊堂食嘅時間，印象只停留响小蘢包。時至今日，已經可以不用去到台灣就可以品嘗佢地嘅風味，今次係我第二次去食，因為平時見到實在太多人而卻步，但為左食生日飯就等啦，好彩嘅係雖然係食飯時間，但只係等左大約35分鐘左右就入到去，因為多人等候嘅關係，用餐時間限1.5小時，但其實時間係有多。入坐後雖然看到全場滿座，但係當你需要時侍應都會樂意幫助，見到我地有啲袋放左响櫈上都會自動比布我地遮住，非常細心。到餐牌方面，不得不讚真係好貼心，對於要戒口嘅人黎講其實好多野都未必食得，而貼心係張餐牌竟然係有圖標籤住一啲主要成份(如：蝦、豬肉、牛肉、菜）可以比我地比我地知道邊啲係岩食。☺️👍🏻講返菜式方面，因為當人有人係第一次食，所以我地都會揀返一啲推介菜式：四喜烤夫呢個係開胃菜，我睇相時仲諗唔知係咪醉呢，所以好奇下叫左黎試。首先謎底解開，呢碟係咸嘅，有啲微熱啦。而烤夫食落去嘅質感有啲似豆腐水泡，但係
想當年鼎泰豐只有在台灣先可以食到，而我只會外賣小蘢包响附近食完，免去排隊堂食嘅時間，印象只停留响小蘢包。時至今日，已經可以不用去到台灣就可以品嘗佢地嘅風味，今次係我第二次去食，因為平時見到實在太多人而卻步，但為左食生日飯就等啦，好彩嘅係雖然係食飯時間，但只係等左大約35分鐘左右就入到去，因為多人等候嘅關係，用餐時間限1.5小時，但其實時間係有多。
入坐後雖然看到全場滿座，但係當你需要時侍應都會樂意幫助，見到我地有啲袋放左响櫈上都會自動比布我地遮住，非常細心。
到餐牌方面，不得不讚真係好貼心，對於要戒口嘅人黎講其實好多野都未必食得，而貼心係張餐牌竟然係有圖標籤住一啲主要成份(如：蝦、豬肉、牛肉、菜）可以比我地比我地知道邊啲係岩食。☺️👍🏻
講返菜式方面，因為當人有人係第一次食，所以我地都會揀返一啲推介菜式：
四喜烤麩
63 瀏覽
0 讚好
0 留言
四喜烤夫
呢個係開胃菜，我睇相時仲諗唔知係咪醉呢，所以好奇下叫左黎試。首先謎底解開，呢碟係咸嘅，有啲微熱啦。而烤夫食落去嘅質感有啲似豆腐水泡，但係呢個烤夫佢嘅密度更高，口質更硬啲更實在，配上醬汁冬菇絲、金針菜、木耳同筍片，味道是可以但感覺有點普通，雖然如此，但沒有死咸，一點點就會慢慢吃完。
紹興醉雞
66 瀏覽
0 讚好
0 留言
紹興醉雞😋👍🏻
幾乎每次食上海野，醉雞係我地必叫之選，來到呢度點會唔叫！雖然說而家醉雞嘅家中其實可以做到，但都需要時間及心機，而呢個醉雞絕對係值得一試。醉雞有酒味，但酒味不難入口，不會有酒嘅苦味，色香味俱全。就算是雞胸肉也不算鞋口，非常入味。
排骨蛋炒飯
58 瀏覽
0 讚好
0 留言
排骨蛋炒飯
老人家無論去到邊都要食飯嘅，當然晚餐唔少得係要叫個炒飯啦。呢個炒飯絕對唔係交行貨，首先成塊排骨係蓋住左個炒飯，而炒飯嘅份量都非常足夠，四個人每人可有一碗，而排骨是意想不到的好吃，出外吃排骨之類大至上不會吃到實的的嘅質地，反而鬆軟得令大家都知道下了鬆肉粉，怎至有時會吃到那種味。但這塊排骨意想不到是，首先它不是外面餐廳只有鬆軟，它本身有吃排骨那份質感，那種質感是不會硬也不會太軟，而吃下去會吃到有淡淡的胡椒味，也不會太咸，連老人家也讚。而飯依然是蛋炒飯，也不會太油。
菜肉饂飩湯麵
57 瀏覽
0 讚好
0 留言
菜肉餛飩湯麵
麵條又是必吃之選，因為通常做上海菜的地方都會有手打麵條，當然我是看不到師傅拿著拉麵發發發的表演。正題麵條有彈性，不會糊糊，而且軟硬適中，相信都要看煮麵者嘅功力。而菜肉餛飩，皮夠薄不會令人厚皮到唔想食，至於餡料，不會太多很複雜的味道(即餣味方面)吃到有菜的味道，而且菜可以看到切到非常細。本身我好怕外面吃餃子之類，因為餣的味道中我定必吃到濃濃的醬汁味，所以通常都比較少食，這個我buy。湯底方面，佢都比較清淡，唔會好咸好咸，令人愈飲愈口渴。另外要讚侍應嘅貼心，叫嘅時候主動問我地係咪需要剪麵條。建議請侍應剪一剪，因為手拉嘅麵都係一條非常長嘅麵，中間係無間斷。
小籬包
33 瀏覽
0 讚好
0 留言
小籠包
去到鼎泰豐無理由唔叫小籠包呀！！
首先小籠包皮薄，包住湯汁。皮薄嘅小籠包吃多一粒都唔會濟住，另外欣賞佢地舖籠嘅係布，通常出面係紙，因為布都有啲濕，所以將小籠包夾起時都唔會痴住個小籠包令佢穿，令啲湯汁穿曬出黎。👍🏻
菜肉蒸餃
46 瀏覽
0 讚好
0 留言
菜肉蒸餃
蒸餃非常之皮薄，完全唔會令人唔食啲餃子皮齋食餃子餡，通常外面食嘅蒸餃皮厚得很，完全只想食餡唔想皮，而且皮都唔會乾爭爭。(平時好少食上海嘅蒸餃)
杏仁豆腐、鮮果西米露、荔芋西米露
食完正餐當然黎個甜品作為一個完美嘅結尾啦，兩個西米露其實無嘜特別，如果以$40嘅價錢，可以出去食到更傑出。重點落响杏仁豆腐，杏仁係非常主觀嘅味道，如果本身鍾意杏仁味嘅人，咁呢碗杏仁豆腐一定要試，佢嘅杏仁味非常重，因為本身我都鍾意杏仁味，所以覺得好味，而且唔會太甜。👍🏻
最後叫左一個豆沙小籠包，因為見到外面都無，見到幅圖好吸引就叫左個外賣返屋企試，侍應依然發揮貼心嘅精神，當我地話要帶走時，佢地問我地係需唔需要凍攞走，因為都諗住第二日先食，所以凍都OK，結果個侍應同我講因為師傅要做蒸左先，所以要時間幫我地攞去吹返凍先，大約我地等左30分鐘左右啦。雖然要等，但佢地嘅服務令我地覺得佢細心，因為通常都唔會問你。
第二日回蒸再食時都覺得好好味，而且一樣都係皮薄，而豆沙餡又唔太甜，值得去試一試試，好可惜無影相。
總結：座位上，因為太多人嘅關係，所以如果多人未必坐得咁舒服。另外普遍餸菜都比較細碟，但覺得份量上係完全係夠嘅。另外4個人大約每人160多元右左，價格可以接受。服務貼心，所以感覺係物有所值。
雖然餐廳非常出名，但希望可繼續保持服務及食物質素。😊
張貼
