Chapter 3 Steak Bar & Restaurant (已結業)

今時今日嘅酒吧已經唔再係18至40歲朋友嘅玩意，因為酒吧除咗有酒飲之外，仲有好多豐富美食，所以其實小朋友同長老級朋友都可以嚟消遣，今次我就嚟咗Chapter 3食晚飯。餐牌雖然選擇唔算好多，但已經有沙律、漢堡、扒類、意粉、意大利飯、Pizza等，總之應有盡有。Happy Hour 啤酒🍻$56起。Edelweiss係帶有花香嘅啤酒，女士好啱飲；而Paulaner就有豐富嘅泡沫，飲第一啖超正！呢個墨西哥粟米片超好食，仲可以refill。魚子松露蟹肉伴冷意粉嘅意粉好彈牙，蟹肉都算多，混入芝麻醬，非常可口，仲要咁大碟，非常抵食！平時都鍾意食burger，所以就order咗車打芝士燒菠蘿吉列豬扒漢堡，佢嘅芝士係用上車打芝士醬，再配埋菠蘿片同炸得卜卜脆嘅吉列豬扒，成個配搭都好出色！唯一缺憾係車打芝士醬會一路食一路流出嚟，所以食嘅時候好難顧及儀態炭燒美國頂級肉眼扒，有14安士重，仲有蒜蓉汁、黑椒汁、燒汁俾你揀，我就揀咗要燒汁七成熟。牛扒嘅七成熟做得非常之粉嫩，肉眼扒亦都夠淋身，仲微微帶點炭燒嘅香味，味道唔錯。仲可以配埋side dishes，我就揀咗煙三文魚沙律同埋焗薯，個人覺得三文魚沙律🥗幾好。