老川皇

營業中

休息中

經常係街見到呢間老川皇，好似油尖旺區都已經有三間，專門食辣野！成日諗住搵班辣妹一齊嚟試下，今日終於搵到機會，約咗個friend一齊嚟食lunch！見到佢嘅午市套餐真係超抵，五六十元一個套餐，忍唔住都叫咗一客，酸菜魚套餐除咗一鍋酸菜魚之外，仲有一碗好大碗嘅酸辣粉條！東北酸辣粉條非常之正宗，呢啲好似係大陸先食到嘅味道，香港一般米線舖係絕對不能媲美，酸菜魚味道都好好，而且啲魚非常滑。跟住我哋就散叫咗涼拌手拍青瓜、酸菜爆豬肚、孜然魷魚酥，個魷魚分量十足，孜然粉嘅香味非常攻鼻！最啱送啤酒，加上啲嘢食真係幾辣，搞到我哋兩個女子竟然係中午時分隊左兩支啤酒！隔離枱有個大叔見到我哋兩個女子竟然又隊啤又食咁多碟，好好奇咁望住我地好多次！但係我哋最後都加左一碟韭菜蒸餃，佢見到真係眼都突埋。兩個人又飮🍻又食咁多野，埋單都係三百幾！呢間係絕對會回頭的一間小店！