玩具小屋咖啡室 (已結業)

早兩日同朋友二人帶住3個小小朋友，諗住搵個地方食lunch，可以食完野坐耐啲，搵到呢間cafe。樓下入電梯大堂前有大約十級樓梯，上到去門面都好靚，入面裝修好colouful，入門口旁邊兩個櫃已經見到放滿各式小玩具同boradgame，佢有最低消費，每人要一個餐或者一個小食加杯飲品，我地有三個小朋友，佢就要求我地要叫三個餐，咁都可以接受。朋友叫左什菌意大利飯同黑松露煙三文魚意粉，我叫左卡邦尼蜆肉意粉，食物水準都幾好，飲品叫左蜂蜜咖啡、朱古力，正確黎講佢係一渣唔係一杯，而且可以加$20添飲一杯，整體黎講環境食物都唔錯。